Правительство Республики Коми

Коми Республикаса Оланподув, 89 статья

Коми Республикаса Веськӧдлан котыр лоӧ Коми Республикаса канму власьт олӧмӧ пӧртысь медвылыс органӧн.

Коми Республикаса Веськӧдлан котырӧ пырӧны: Коми Республикаса Веськӧдлан котырӧн Юрнуӧдысь, Коми Республикаса Веськӧдлан котырӧн Юрнуӧдысьӧс вежысьяс, Коми Республикаса министръяс.

Коми Республикаса Юралысь вермӧ пыртны Коми Республикаса Веськӧдлан котырӧ мукӧд йӧзӧс Коми Республикаса Веськӧдлан котырӧн Юрнуӧдысьлӧн вӧзйӧм серти.

Коми Республикаса Юралысь примитӧ Коми Республикаса Веськӧдлан котыр лӧсьӧдӧм йылысь помшуӧмсӧ сылӧн уджӧ босьтӧмсянь ӧти тӧлысьысь оз сёрджык.

Коми Республикаса Веськӧдлан котырлӧн инӧда статусыс, сылӧн уджаланногыс урчитсьӧ Коми Республикаса оланпасӧн федеральнӧй оланпастэчас серти.

Коми Республикаса Веськӧдлан котыр ассьыс уджмогъяс збыльмӧдігӧн лэдзӧ шуӧмъяс да тшӧктӧмъяс.

 

Коми Республикаса Оланподув, 90 статья

Коми Республикаса Веськӧдлан котырӧн Юрнуӧдысь индыссьӧ чинӧ Коми Республикаса Юралысьӧн Коми Республикаса Каналан Сӧветлӧн сӧгласлун серти, вештыссьӧ чинысь Коми Республикаса Юралысьӧн.

Коми Республикаса Веськӧдлан котырӧн Юрнуӧдысь индыссьӧ чинӧ Коми Республикаса Юралысьлӧн уджмогъяс збыльмӧдан кадколаст вылӧ.

Коми Республикаса Веськӧдлан котырӧн Юрнуӧдысь збыльмӧдӧ ассьыс уджмогъяссӧ выльӧн индӧм Коми Республикаса Веськӧдлан котырӧн Юрнуӧдысьӧн уджӧ босьттӧдз Коми Республикаса оланпасӧн урчитӧм пӧрадокын.

Сэк, кор Коми Республикаса Веськӧдлан котырӧн Юрнуӧдысьыс  мыйкӧдыра абу удж вылын (отпуск, висьӧм, командировка дырйи), Коми Республикаса Веськӧдлан котырӧн Юрнуӧдысьлысь могъяссӧ збыльмӧдӧ Коми Республикаса Веськӧдлан котырӧн Юрнуӧдысьӧс вежысьяс пиысь ӧти Коми Республикаса Веськӧдлан котырӧн Юрнуӧдысьӧс вежысьяс костын могъяс юклӧм серти.

 

Коми Республикаса Оланподув, 91 статья

Коми Республикаса  Веськӧдлан котыр дасьтӧ да збыльмӧдӧ Коми Республикаын быд боксянь йӧзлысь олӧм да экономика сӧвмӧдан  мераяс, пырӧдчӧ сьӧм овмӧс, наука, велӧдан, йӧзлысь дзоньвидзалун видзан, культура, йӧзлысь вынйӧр сӧвмӧдан да спорт, социальнӧя могмӧдан, туй вылын видзчысянлун да экология юкӧнъясын ӧтувъя канму политика нуӧдӧмӧ.

Коми Республикаса Веськӧдлан котыр тайӧ статьяса медводдза юкӧнын индӧм мераяс збыльмӧдӧм могысь пӧртӧ олӧмӧ уджмогъяссӧ федеральнӧй оланпастэчас, Коми Республикаса Оланподув, Коми Республикаса оланпасъяс серти.

Коми Республикаса Веськӧдлан котыр ӧтув уджалӧ федеральнӧй канму власьт органъяскӧд, Россия Федерацияса мукӧд субъектлӧн олӧмӧ пӧртысь канму власьт органъяскӧд, Коми Республикаса канму власьт органъяскӧд, меставывса асвеськӧдлан органъяскӧд да организацияяскӧд.

Коми Республикаса Веськӧдлан котыр федеральнӧй оланпастэчас, Коми Республикаса оланпастэчас серти аслас уджмогъясын вермӧ нуӧдны переговоръяс, кырымавны сёрнитчӧмъяс да соглашениеяс, а сідзжӧ нуӧдны переговоръяс да кырымавны войтыркостса да ортсы экономическӧй йитӧдъяс збыльмӧдӧм йылысь соглашениеяс.

Выльмӧдан кадпас

26 Йирым 2018